الموضوع ده خطير ويمكن يجيب مشاكل بس لو كل راجل مشى جنب الحيط وخاف يقترب من المواضيع دى يبقى ضعنا .
***************************************************************
البنات عايزين ايه بالضبط لازم دايما يبقوا مظلومين لازم دايما يبقى ليهم حقوق وعاوزين ياخدوها(بالذمة مش حرام)
***************************************************************
ونجيب الحكايه من الاول
من أيام الأم الكبرى حواء لما صدقت كلام الشيطان ومش عاجبها حالها وطبعا انطردنا من الجنه
***************************************************************
دخول المرأة السياسة من قديم الزمان كان نذير ببداية المؤامرات والانقلابات
***************************************************************
وطبعا عارفين السنيورة اللى اسمها شجرة الدر لما قعدت على عرش مصر خلت اتنين شباب زى الورد طحنوا بعض أيبك وأقطاى وكانت هتودى مصر فى داهية خصوصا ان التتار كانوا على الأبواب
***************************************************************
حاجه كمان حركات التحرر للمرأة واللى تبنتها العوانس قال عشان نديها حقوقها أزاى المراه مسلوبه الحقوق ؟؟ فالإسلام وهو الدين الذى اعلى من شأنها وجعل الجنة تحت قدميها
***************************************************************
قالوا عايزين نشتغل قلنا(من عينينا) وخرجوا للشغل واديكوا طبعا شايفين النتيجة المخجلة شباب زى الورد قاعد على القهاوى مش لاقى شغل ورغم اننا مطلوب مننا الشقه والشبكه والمهر طب نجيب منين وكترت نسبه العنوسه قالوا عايزين نتجوز(طب حلوها انتم بقى؟) انتم اشتغلتم واحنا عواطليه طب نجيب منين
***************************************************************
قالوا عايزين نتحرر فى اللبس قلنا وماله ولما كترت حوادث الاغتصاب فى البلد قالوا احمونا (طب ازاااااااااااااااااى) ؟؟
لما تكون الواحدة من دول كاشفة اكتر من المتغطى والشباب مش لاقى يتجوز نحميكم ازاى بقى ؟؟
***************************************************************
وكلمه واحده بقولها خليك جنب الحيط احسن !!!
***************************************************************
المقال ده طبعا مش هجوم على كل الستات ده هجوم على النماذج السيئة فقط والست برده هى الام والاخت والزوجة والابنة
من مصر
شوف يا حماده انا اختلف معاك في الموضوع ده مينفعش تتكلم وتقول ازاي الست تشتغل وازاي يكون ليها حقوق سياسيه الي اخره من الاخر كلنا عارفين ان المرأه نصف المجتمع ولو الناس مشيت علي كلامك ده معناه انهم هيرجعو 500 سنه لورا ولو تيجي تشوف سبب تقدم امريكا واليابان والدول العظمي دي هتلاقي ان سبب تقدمهم هو التعاون ما بين الراجل والست في كل حاجه خلاص زمن سي السيد انتهي من زمان بس مش معني كلامي ان انحنا نقلد الغرب في اللبس والعري والحاجات دي لكن ايه اللي يمنع لم تكون الست ليها دور مفيد في حياتها وتفيد مجتمعها بحاجه يا اخي العزيز المراه مش مهمتها في الحياه الحمل والخلفه وبس انت كده بتستحقر المراه واي شاب دلواتي لم ييجي يدور علي واحده يرتبط بيها اكيد هيدور ويشوف هي متخرجه من جامعة ايه وبتشتغل ايه وكل الكلام ده ليه انت مش بتبص للناحيه الايجابيه ان لو الست اشتغلت ممكن تساعد جوزها في مصاريف البيت يعني مش هو بس الي هيصرف يعني بتشيل عبء من عليه مش ان هي تكون سبب البطاله الي بين الشباب ليه احنا مش بنقول ان المراه يكون ليها دور في اي مجال بس في حدود الادب والاسلام والحشمه ....دي كانت وجهة نظري وانا اسفه اني طولت عليك بس كان لازم اشرحلك رايي وزي ما بيقولو اختلاف الراي لا يفسد للود قضيه تقبل مروري اختك .............روز